Asesoramento e formación para 800 agricultores e gandeiros da Limia
A Deputación colabora con Adegal para dar
formación e asesoramento a agricultores e gandeiros da Limia
O presidente da Deputación de Ourense, Luis Menor, mantivo no Pazo Provincial un encontro cos representantes da Asociación de Empresarios, Gandeiros e Agricultores da Limia (Adegal), no que se abordaron diferentes liñas de colaboración entre a institución provincial e esta entidade en materia de formación e asesoramento para os preto de 800 asociados.
Momento da reunión na Deputación Provincial
O tesoureiro, Celso Gómez, maila
técnico da asociación, Laura Rodríguez, explicaron a Luis Menor o labor que
desenvolve un colectivo fundado hai 12 anos para apoiar ás empresas,
agricultores e gandeiros da Limia.
Trala xuntanza, o presidente
provincial puxo en valor o traballo dunha asociación que pon o foco das súas
accións “na comarca máis puxante do sector primario da provincia e unha das
máis importantes de Galicia”.
Menor explicou que Adegal seguirá
contando co apoio da Deputación, tal e como se reflicte no capítulo de axudas a
entidades incluído no expediente de modificación de créditos, aprobado
inicialmente no pleno de abril. A colaboración, engadiu, vaise manter con
outros proxectos que iranse definindo ao longo do ano.