Esta carreira “é moito máis que unha carreira”, supón “unha aposta polo turismo deportivo que pon en valor a vila,
Xinzo de Limia acolle este domingo, por segundo ano consecutivo, o campionato galego de carreiras de obstáculos O Camiño Race
A proba, organizada por OCRA Galicia, Diesemm e Fusión Fitness, contará con máis de 600 participantes dos cales o 37% son mulleres e máis dun terzo son de fóra da provincia de Ourense
Xinzo de Limia acollerá este domingo 21 de abril, por segundo ano consecutivo, o campionato galego de OCR e Copa OCRA Galicia O Camiño Race.
A proba,
organizada por OCRA Galicia, Diesemm Eventos e Fusión Fitness, contará con máis
de 600 inscritos e foi presentada esta mañá no Concello de Xinzo, da man do seu
alcalde, Amador Díaz; do vicepresidente segundo da Deputación de Ourense, César
Fernández; do delegado da Xunta para o Deporte Provincial, Manuel Pérez; da
concelleira de Deportes de Xinzo, Cristina Campero; así como dos seus
organizadores, David Suárez, presidente de OCRA Galicia, e Tania Cardenal,
responsable de Fusión Fitness.
“Fomentamos o deporte, fomentamos a cultura, fomentamos quen somos e que é Xinzo”, dixo o alcalde, Amador Díaz, tras presentar a carreira “e se aínda por riba somos capaces de que a hostalaría teña un cheo absoluto, é o que intentamos conseguir dende as institucions”. Con todo, “esperamos que a xente que veña desfrute e goce da carreira e que sexa un éxito”, destacou
Pola súa
parte, a concelleira de Deportes, Cristina Campero, aplaudiu a “afluencia” que
agarda Xinzo para o domingo tendo en conta ademais que “o tempo nos vai
respectar”. Con todo, destacou o traballo da organización durante os últimos
meses: “valoramos o traballo desta xentiña que leva meses loitando para que
esta proba poida ser posible”.
“ENORME SATISFACCIÓN”
Dende a
organización, David Suárez, o presidente de OCRA Galicia e CEO de Diesemm,
subliñou a “enorme satisfacción” porque a carreira tivo unha “acollida
espectacular”. Esta carreira “é moito máis que unha carreira”, supón “unha
aposta polo turismo deportivo que pon en valor a vila, a súa contorna e o
Camiño de Santiago da Vía da Prata ou tamén coñecido como Camiño Mozárabe”.
“Centos de
deportistas e as súas familias visitarán Xinzo e poderán coñecer a súa
historia, percorrer os seus bares e durmir nos seus hoteis”, sinalou, además
“queremos destacar que por esta zona pasa o Camiño de Santiago, polo que quen
coñeza Xinzo por primeira vez por vir á carreira, poderá volver por outros
moitos motivos”.
Acto de presentación da proba
Neste
senso, Suárez destacou que o 37% dos inscritos son mulleres, “un dato boísimo
que nos achega cada vez máis á paridade nun deporte moi masculinizado”.
Ademais, máis de dous terzos dos inscritos son de fóra da provincia, o que “pon
en valor a proba como potencia turística”. Ademais, destacou a “boísima
resposta e impacto” da proba nas redes sociais onde “o nome de Xinzo resoa”
unha vez que “se acadaron máis de 9.000 contas e máis de 105.000 impresións só
nunha rede como Instagram nos últimos tres meses”.
DOUS PERCORRIDOS DIFERENTES CON “MOITAS
SORPRESAS” E UN TRAMO MONTAÑOSO
Por último,
Tania Cardenal, de Fusión Fitness, avanzou “moitas sorpresas” nun ano no que se
inclúe, ademais do percorrido urbano, “un tramo montañoso”. Esta edición “gaña
en calidade”, xa que haberá dous percorridos, un “máis asequible” para os
denominados populares, aqueles corredores menos expertos que, máis alá de
competir, “queren desfrutar ao máximo dun día de diversión facendo deporte”.
Eles correrán 7,5 quilómetros de carreira e terán que saltar 32 obstáculos.
Ademais, os participantes nesta categoría poderán competir tamén por equipos.
O outro
percorrido será “máis esixente e competitivo”, subraia a organizadora, composto
por 11 quilómetros e 40 obstáculos, “para aquelas persoas que xa teñen sobrada
experiencia en carreiras de obstáculos e que estean en plena forma”. Por outra
parte, destacou a participación dos menores que participan en dúas categorías
infantís, de 4 a 7 anos e de 8 a 12. A proba contará con máis 80 nenos e nenas
que competirán en catro tandas, dúas por tramo de idade.
A OCR
“revelación” galega abre a tempada do calendario galego de carreiras de
obstáculos e conta co patrocinio institucional do Concello de Xinzo de Limia; da
Deputación de Ourense e Inorde; así como da Xunta de Galicia, a través de Turismo
de Galicia, Camiño Xacobeo e Deporte Galego.